Филипче: Лабораториите работат во три смени, се бара решение за повеќе термини

Од:

Министерот за здравство Венко Филипче вели дека лабораториите во земјава се оптоварени од налетот на есенскиот бран на епидемијата на Ковид-19 и дека тие работат со полн капацитет и во три смени, додека здравствените власти бараат решение за отворање на повеќе термини.

„Силниот есенски бран ги оптерети лабораториите за тестирање, но се работи на изнаоѓање решение за нови термини. Викендов сите лаборатории ќе работат со полн капацитет за да се постигне со обработката на тестови, а денеска разговаравме за отворање на нови термини на почетокот на следната недела. Сите капацитети се максимално ангажирани, колегите работат во три смени. Верувам дека брзо ќе изнајдеме решение за надминување на состојбата,“ напиша вечерва Филипче на својата страница на Фејсбук.

Денеска во Македонија беа регистрирани 518 нови случаи на пациенти заразени со коронавирус, од направени 2.367 тестирања. Од компликации поврзани со Ковид-19 починаа уште девет лица, со што бројот на починати од почетокот на пандемијата се искачи на 883.

Би можело да ве интересира

Грип, ковид и инфекции на дишните патишта ги полнат амбулантите и болниците

Милошоски: Филипче ќе треба да одговори дали заедно со Заев бил на платен список на омилената и повластена веледрогијата и во МЗ и кај Малмед, д-р Пановски

Филипче: Реверсот не го оправдувам, за да има лек за сите паценти морале да го земаат

Филипче и Меџити ќе бидат сослушани пред Анкетната комисија за скандалот со Онкологија

Филипче и Сали први на распит кај Мизрахи: Анкетната комисија за Онкологија почна со работа

Орце Костов

Се бара истрага за вмешаноста на Филипче на Онкологија: Утре повторно протест пред Влада

А1он