Борбата со ковид-кризата ќе продолжи и на почетокот на следната година, иако сега тенденциите се такви да бројките укажуваат на тоа дека епидемијата на некој начин спласнува, помалку пациенти во болниците, повеќе термини за тестирање, се повеќе слободни болнички кревети, дури некои одделенија ќе се вратат во стариот претходен нормален режим на работа, изјави денеска министерот за здравство Венко Филипче.
Според министерот, ова сепак не значи дека здравствените власти можат да се опуштат.
“Сепак, оваа борба досега не научи дека вирусот е многу непредвидлив и дека може да се случат изненадувања и понатаму и ние мораме да бидеме подготвени,“ рече Филипче на конференцијата насловена „Перспективи 2021“ организирана од Цивил.