Филипче денес во Грција ќе го договара отворањето на границите и аеродромите

Од:

Здравствените власти почнуваат со регионални состаноци заедно претставници од владите во регионот по најавите на дел од соседните земји за отворање на границите. Министерот за здравство Венко Филипче за отворањето на границите вели дека е многу важен координиран пристап.

„Од исклучителна важност е координиран пристап во однос на транзитот, посетите и здравствените протоколи кои што ќе се имплементираат за побрзо и побезбедно патување во текот на летото. Европската комисија вчера излезе со пакет мерки за патување во Европската Унија каде што ќе се препорача ваков координиран пристап за олеснување на рестриктивните мерки. И ние ги почнуваме препораките , денес ќе патувам на состанок со министерот за здравство на Грција. Ќе размениме искуства за досегашното менаџирање на кризата кое треба да помогне и за понатамошната битка со вирусот. Ќе разговараме и за подготовка за следниот период за кога се очекуваат нови пикови и најважното, отворањето на границите и аеродромите, имајќи предвид дека нашата земја повторно ќе го отвори коридорот север – југ кој е многу оптоварен во летните месеци“, рече министерот Филипче.

Тој нагласи дека вчера ги регистрирале многубројните реакции на јавноста во однос на одлуката да се дозволи посета на функционери на соседни земји. Уверува дека не станува збор за ништо друго освен состаноци за координирање на активности за мерките против ширењето на коронавирусот за кои треба регионален пристап. Веќе имале најава за такви регионални состаноци.

„Нема кои било функционери да патуваат“, објасни министерот Филипче.

Ваквите патувања е предвидено да се одвиваат согласно препораките на Комисијата за заразни болести и по протокол од Комисијата.

Би можело да ве интересира

37 нови случаи на Ковид-19, нема починати

Ана Ололовска

Рекорден број вакцинирани во еден ден, активни 265 случаи на Ковид-19

Ана Ололовска

36 нови случаи на Ковид-19, нема починати пациенти

Жарко Настоски

Во земјава има 214 активни случаи на Ковид-19

Катерина Павлова-Николовска

17 нови случаи на Ковид-19, починал пациент од Скопје

Жарко Настоски

Во земјава има 234 активни случаи на Ковид-19, најголем дел во Скопје и во Тетово

Катерина Павлова-Николовска