Министерот за здравство, Венко Филипче, вели дека се очекува бројката на новодијагностицирани од Ковид-19 и во следните 2-3 дена да биде слична на денешната и вчерашната.
Тој вели дека евентуално во текот на викендот може да се намали бројот на новозаразени.
Како пример тој ја наведе општината Сарај, каде што во последниот период имаше зголемување на бројот на заразени, а сега, по исцрпувањето на сите контакти, во изминатите 24 часа се дијагностицирани само двајца.
Истото, вели Филипче, се очекува да се случи и во Штип, во петте конфекциски фабрики, кои ќе бидат затворени до наредниот понеделник, а во тој период треба да бидат тестирани сите 600 луѓе, вработени во тие институции.
