Еврокомесарот за проширување на ЕУ, Штефан Филе, на 9 април, веднаш по вториот изборен круг, ќе допатува во Скопје во придружба на првиот човек на директоратот за проширување, Стефано Санино, јави Канал 5.
Целта на посетата е високиот пристапен дијалог што Македонија го води со Европската комисија, но се очекува да бидат пренесени и првичните оценки за вонредниот извештај на комисијата за земјава.
Освен заедничката средба на владината делегација и онаа на европската комисија, Филе ќе има одделни средби со премиерот Груевски, вицепремиерот за европски прашања Фатмир Бесими и најверојатно со лидерот на СДСМ, Бранко Црвенковски.