Во Среда, Европската комисија ќе препорача почеток на преговорите за членство на Македонија во Европската унија, „без понатамошно одлагање“, пренесува МИА.
Драфт-верзијата на најновиот извештај на Комисијата за Република Македонија, кој, официјално, комесарот за проширување, Штефан Филе, ќе го претстави во среда, била убедливо најпозитивна досега. Извештајот содржел 50-70 страници на кои неколку места се очекува да биде спомената придавката „македонски“ во однос на јазикот и народот, за да се задоволат барањата на македонските највисоки политички претставници.
„Решение мора да се најде без понатамошно одлагање. Акции и изјави што можат негативно да влијаат на добрососедските односи треба да се избегнуваат“, препорачува Комисијата.