Еврокомесарот за проширување на ЕУ, Штефан Филе планира наскоро да дојде во Македонија во рамки на посетата на регионот, но сè уште не се знае точно кога, јави Радио Слободна Европа, повикувајќи се на кабинетот на комесарот.
За писмото од Филе до грчкиот министер за надворешни работи Аврамопулос, со кое еврокомесарот предложил трилатерална средба меѓу него и шефовите на грчката и на македонската дипломатија, во Брисел велат дека ваквиот начин на комуникација е редовна постапка и дополнително не сакаат да коментираат.
Кабинетот на еврокомесарот за проширување негира дека ќе има соопштение за јавноста во врска со впечатоците на директорот за проширување на ЕУ Стефано Санино од посетата на земјава, како што вчера се пишуваше, известува Радио Слободна Европа.