Фалкони: Франција ги отвора вратите за натамошно проширување на ЕУ

Од:

Дискусиите за проширување и продлабочување на ЕУ не треба да се избегнуваат во време кога Унијата се соочува со предизвици, кога во европските институции неофицијално се разговара за новата методологија за преговори за членство, а по одлуката за одложување на отворањето на преговорите со Албанија и Северна Македонија, оценија учесниците на политичкиот панел за политиката на проширување на ЕУ во Францускиот институт во Белград.

Францускиот амбасадор во Србија, Жан Луј Фалкони во воведниот збор на панелот „Политиката на проширување на ЕУ на крстосница – вкрстување на ставовите на ЕУ за проширувањето и продлабочувањето на ЕУ“, оцени дека дебатата за продлабочување на Унијата засега и држави кои настојуваат еден ден да бидат членки на блокот и дека она што се случува во Србија со проширувањето е поврзано со она што се случува во Брисел.

– Франција ја отвора вратата за натамошно проширување и ние сакаме земјите од Западен Балкан, вклучително и Србија, да влезат во Европската Унија. Тоа е нашата цел, изјави францускиот амбасадор во Србија.

Фалкони, исто така, порача дека на патот на евроинтеграциите на земјите од Западен Балкан треба да спроведат бројни реформи во областа на владеењето на правото, слободата и деловната клима.

Одговорниот за проширувањето во Генералниот секретаријат за европски прашања на Франција, Жилијен Вуатури во обраќањето ја истакна важноста на дебатата која се води во ЕУ.

– Важно е да имаме дијалог со партнерите на ЕУ. Со европските институции водиме дијалог за тоа како да го унапредиме проширувањето за нас и за земјите кандидати, изјави Вуатури.

Тој оцени дека целта е да се зајакне пристапниот процес и самата перцепција, начинот на кој земјите кандидатки го усвојуваат процесот на проширување.

– Да се стане членка на ЕУ, пред се повеќе е одлука на народот, отколку одлука на владата, рече француски претставник, додавајќи дека „прашањето за проширувањето не треба да се спротивставува со прашањето на продлабочувањето на ЕУ“.

Би можело да ве интересира

Полјански: Европа ги игнорира преговорите за Украина и се држи до старите позиции

Бернам: Очекувам договор со ЕУ што ќе донесе придобивки и за Британија и за Европа

Фицо: Конечно се разбуди Европа – ќе има делегација за преговори за Украина

Европа ги отфрли руските барања за мировните преговори за Украина

Предраг Петровиќ

Милановиќ: ЕУ не е држава, а нејзина надворешна политика не постои

А1он

Пирц Мусар: Проширувањето на ЕУ кон Западен Балкан претставува стратешка инвестиција во мирот

А1он