Еврокомесарот Филе во ненајавена посета на Македонија

Од:

 Еврокомесарот Штефан Филе денеска ненајавено дојде во Македонија на средби со премиерот Никола Груевски, со претседателот Ѓорге Иванов и со лидерот на СДСМ Бранко Црвенковски.

Евроагендата, реформите, бојкотот на опозицијата на Парламентот во контекст на априлскиот извештај на ЕК за напредокот на Македонија и јунскиот самит на ЕУ, биле теми на средбата со премиерот Никола Груевски, потврдуваат за МИА од Владата.

Станало збор и за случувањата во врска со бојкотот на опозицијата, но во рамките на прогресот и механизмите за продолжување на интеграциските процеси. Од македонска страна е изразена подготвеност и посветеност за продолжување на реформите, како и конструктивност за принципиелно надминување на предизвиците во контекст на европската интеграција на Република Македонија.

Делегацијата на ЕУ во Скопје, соопшти дека еврокомесарот Штефан Филе денеска се сретнал и со претседателот Ѓорге Иванов и со лидерот на СДСМ Бранко Црвенковски. На сите средби што ги имал биле разгледани подготовките за Пролетниот извештај на Европската комисија за Македонија.

– Комесарот имаше корисни разговори со своите соговорници. Комесарот Филе ќе се врати во Скопје во контекст на Пристапниот дијалог на високо ниво, се наведува во кусото соопштение од Делегацијата на ЕУ во Македонија.

Би можело да ве интересира

Мицкоски: Никогаш нема да се повлечеме од преговори со ЕУ, цел на оваа Влада е државата да стане дел од Унијата

Горан Наумовски

Фон дер Лајен: ЕУ, САД и НАТО ја зајакнаа својата заедничка позиција за Украина

Горан Наумовски

Европските лидери поставија пет услови пред средбата Путин-Трамп

ЕУ подготвува нови санкции кон Русија

Калас: Нема отстапки додека Русија не се согласи на безусловно примирје

Орбан: Единствен разумен потег на лидерите на ЕУ е да започнат самит ЕУ-Русија