Продолжуваме внимателно да го следиме изборниот процес, вклучувајќи го и прегласувањето и очекуваме да помине во мирна, фер и демократска атмосфера, соопшти Мисијата на ЕУ во Македонија, пренесе МИА.
„Откако ќе завршат изборите очекуваме од властите да започнат со имплементација на претходните препораки на ОДИХР, како и на препораките од конечниот извештај на ОБСЕ /ОДИХР“, се наведува во соопштението.
Во недела ќе се прегласува на вториот круг од локалните избори на 29 избирачки места во скопската општина Центар, на девет во Струга и во едно во скопската општина Ѓорче Петров. Втор круг на локалните избори ќе има во општината Долнени, на 37 избирачки места.