Пратеничката на ДУИ, Ермира Мехмети смета дека потегот на опозицијата да не влезе во Собранието е опасен потег а последици единствено ќе претрпи Македонија.
Според неа потегот на СДСМ не е класичен бојкот туку одбивање на опозицијата, а изминатиов период опозицијата покажала дека немаат јасен политички пристап.
Таа оцени дека СДСМ води нејасна политика и изрази жалање за одлуката со која остануваат надвор од законодавниот дом, но рече дека се надева дека одлуката во иднина ќе се смени.
Ермира Мехмети својот став за актуелната ситуација со опозицијата го презентираше на седница на комисијата за прашања на изборите и именувањата каде даде поддршка за сите предложени лица за членови на Делегациите на Собранието а и таа смата е член на Делегацијата на Собранието во Парламентарното собрание на Советот на Европа.