Во рамките на кампањата за престојниот референдум, Партијата за Движење на Турците (ТХП) одржа митинг во Радовиш, каде на присутните им се обратија Претседателот на ТХП, пратеникот Енес Ибрахим, како и потпретседателот на СДСМ, Благој Бочварски.
Ибрахим во своето излагање истакна дека Турците во Македонија во сите историски моменти биле конструктивни, правејќи вистински и државотворни чекори.
Ибрахим не се сомнева дека истото ќе се случи и на 30-ти септември, затоа што единствената насока за светла иднина се токму евроинтеграциските процеси. Според Ибрахим влезот во НАТО и ЕУ значително ќе влијае во подобрувањето на социо-економските состојби во Македонија, а граѓаните ќе ги уживаат еднаквите права и можности како и сите европјани.
Караванот на ТХП и во следниот период ќе продолжи низ цела Македонија и активно ќе ги информира Турците во Македонија за важноста на 30-ти септември, повикувајќи ги масовно да земаат учество во референдумот.