Претставници на Општина Охрид се дел од тренинг-програмата „Овозможување локална демократија и холистички урбан развој преку Symbio City пристап“ што се реализира во организација на „ICLD“ и „SKL International“ од Шведска.
Задача на охридските претставници е во рамки на обуката да разработуваат проекти за изнаоѓање решенија за урбани зафати, во конкретниот случај адаптација на Кејот „Македонија“ во пешачка зона.
Со цел успешно извршување на постапките и чекорите при изработка на проектот, согласно планираната методологија, се организира електронска анкета која може да се најде на интернет страната на општина Охрид каде граѓаните може да го кажат своето мислење.
Во обуката учествуваат претставници на уште седум градови од Србија, Украина и Турција.
