Македонските државјани кои денеска беа протерани од Италија со сомнение дека ширеле џихадистичка пропаганда по распитот од македонската полиција се пуштени на слобода.
Распитот со петмината жители на струшкото село Октиси на аеродромот Александар Велики го обавиле инспектори од Управата за безбедност и контраразузнавање веднаш по слетувањето по што процениле дека тие се безопасни.
Италијанскиот министер за внатрешни работи Анџелино Алфано издал наредба за екстрадиција на македонските државјани бидејќи, како што рече тој, тие биле фанатични следбеници на самопрогласениот Калифат и ги поддржувале активностите на ИСИС.