Непозната експлозивна направа била активирана најверојатно со фрлање во близина на седиштето на ДУИ во тетовската приградска населба Мала Речица, информира портпаролот на СВР Тетово Марјан Јосифовски.
Вo полицијата, детонацијата е пријавена во 21 часот и 50 минути по што екипа на СВР Тетово излегла на терен.
При првичниот увид е констатирано дека од детонацијата нема повредени лица, ниту пак е причинета материјална штета на објекти или предмети, освен на коловозот каде имало кратер.
Надлежните органи работат на откривање на мотивите и на сторителот.
