Кичевската полиција поднесе кривична пријава против поранешниот директор на Општата болница во градот поради постоење основи на сомнение за сторено кривично дело „проневера во службата“, соопштија денеска од МВР.
– Тој, во периодот од 08.07.2021 до 07.08.2024, во својство на директор на ЈЗУ Општа болница- Кичево, со намера да се стекне со противправна имотна корист, неовластено присвоил ехо апарат M9 Mindray, кој му бил доверен во службата, како донација од Министерство за труд и социјална политика во вредност од 2.134.482 денари, се вели во известувањето од МВР.