Порибување на трите реки во пазувите на Кожуф со пастрмка, реките Бошавица и Мрежичка и Рожденската Река, е дел од програмата за работа за оваа година на еколошкото друштво „Еко-живот” од Кавадарци.
Претседателот на друштвото Роберто Паризов денеска информираше дека продолжуваат со еколошката мисија.
– Ќе се врши чистење на депонии, едукации на граѓаните, соработка со училиштата со цел да добијат зелени еколошки знаменца, пошумување во рамки на можностите, рече Паризов за целите кои си ги поставиле.
Тој нагласи дека за реализирање на прогамата им е неопходна и помош од локалната самоуправа, а веќе ја доставиле програмата за работа до општината.