ЕК со честитки за Преспанскиот Договор, се отвора вратата за ЕУ и НАТО

Од:

Бројни честитки пристигнуваат преку социјалните мрежи по ратификацијата на Преспанскиот Договор во Атина, јави дописничката на МИА во Брисел.

Еврокомесарот за проширување, Јоханес Хан, го нарече решавањето на спорот за името “историски исчекор“ за двете земји, за регионот и за Европа во целост.

-Им аплаудирам на лидерите од двете страни за нивната храброст и визија, напиша Хан.

Овој успех, додаде тој, немаше да се случи без јасната перспектива за членство во ЕУ за наскоро именуваната Северна Македонија.

-Ова е силата на атракцијата на ЕУ во најдобро светло, која носи стабилност и просперитет за регионот во време кога дестабилизирачките сили растат.

Тој рече дека е лично задоволен што патот кон Преспа започна со договорот од Пржино во 2015, кој тој лично го посредуваше и кој и овозможи на земјата да излезе од длабока политичка криза.

-Оттогаш земјата започна длабоки реформи и ги реши споровите со соседите, ова треба да биде инспирација за целиот регион, заклучи Хан.

Се огласи и еврокомесарот за финансии, Французот Пјер Московиси на Твитер, и порача дека со денешната ратификација се преминува важна етапа за политичката и економската стабилност на Грција, на регионот и на Европа.

Би можело да ве интересира

Јермак: НАТО треба да инвестира во воено-индустрискиот комплекс на Украина

НАТО би можело да се распадне, порака од Русија

Кошта: Не ни е потребна Унгарија за да го продолжиме процесот на пристапување на Украина кон ЕУ

Горан Наумовски

Орбан: Пристапувањето на Украина во НАТО би довело до војна Европа и би запалило „буре барут“

(ВИДЕО) Филипче: СДСМ обезбеди македонскиот јазик и идентитет во ЕУ да бидат чисти, признати и без никакви додавки, тоа беа нашите црвени линии

ЕУ ја критикува состојбата во Газа, но нема да го прекине трговскиот договор со Израел