Европската Комисија се очекува денеска по четвртти пат да предложи датум за старт на пристапните преговори на Македонија со Европската Унија.
Ова, според неформалните најави, ќе биде клучната препорака што попладнево на закажаната прес-конференција ќе го соопшти Комесарот за проширување Штефан Филе, кој ќе ги презентира извештаите за напредокот на земјите-кандидати и потенцијални кандидати.
По ова, извештајот во Скопје пред јавноста ќе го престави евроамбасадорот Аиво Орав, а потоа тој лично ќе го предаде на претседателот Ѓорге Иванов, премиерот Никола Груевски и претседателот на Собранието, Трајко Вељаноски.
Се очекува Европската Комисија да констатира напредок во исполнувањето на политичките критериуми, особено по стартот на Пристапниот дијалог на високо ниво меѓу Скопје и Брисел.
Одлуката дали Македонија ќе ги почне пристапните преговори е во рацете со Европскиот Совет, надлежен да одлучува по препораките на комисијата.