Во Македонија денеска престојуваше Ангелина Еикхорст, директорка за Западна Европа во европската служба за надворешни работи (EAS), која се сретна со претставници на Владата, најголемите политички партии и претставници на меѓународната заедница.
Како што соопшти Мисијата на Европската комисија во Скопје, на средбите таа ја потенцирала важноста од кредибилни избори за земјата имајќи го предвид договорот од Пржино со којшто партиите ја потврдија нивната посветеност на евроатланстските процеси и демократските принципи. Во рамки на подготовките за предвремени избори, како што било посочено, потребна е целосна ревизија на Избирачкиот список и другите подготвителни чекори.
Еикхорст посочила на потребата од почитување на независните институции вклучувајќи ја особено Државната изборна комисија и Специјалниот обвинител.
Во разговорите, како што стои во соопштението, потребата за изградба на поголема доверба меѓу локалните самоуправи и да се избегнат дополнителни интеретнички тензии во смисла на употреба на симболи, во веќе тензичното политичко опкружување.