Советот за безбедност за сообраќај и Полициската станица Штип заеднички ќе ги едуцираат младите да не ги употребуваат мобилните телефони додека се во сообраќај.
Претседателот на Советот за безбедност за сообраќај, Роберт Рогожарски рече дека согласно анализите поголемиот дел од сообраќајните несреќи, кои ги сториле младите, се поради користење на мобилниот телефон, а не биле безбедни бидејќи не ги користеле и појасите во автомобилите.
– Во текот на годината ќе имаме заеднички проект со Полициската станица за некористење на мобилните при учество во сообраќајот, а ќе биде опфатена целокупната млада популација, рече Рогожарски.
Штипјани забележуваат дека ваквата едукација е потребна, бидејќи секој од нив се чувтсвува небезбеден во сообраќајот додека некој говори на мобилен без разлика дали вози автомобил или е само пешак.