„Eднаквост помеѓу мажите и жените, перспективи и предизвици“ е темата на третата дебата од циклусот ЕУ Разговори што денеска во организација на Секретаријатот за европски прашања (СЕП) ќе се одржи во Скопје.
Со цел подобрување на квалитетот во процесот на пристапување во Европската Унија, а водејќи се од начелата на инклузивност и транспарентност во своето работење СЕП продолжува со дебатен циклус “ЕУ разговори” (EU Talks).
Учесници на дебатата е предвидено да бидат претставници на собраниската Комисијата за еднакви можности, универзитетски професори, стручни претставници на Министерството за труд и социјална политика, Министерството за одбрана, претставници на ЗЕЛС, претставници на граѓанскиот сектор како и претставници од Секретаријатот за европски прашања.
Дебатата ќе ја водат заменик-претседателот на Владата на Република Македонија Фатмир Бесими и министерот за труд и социјална политика, Диме Спасов.