Една година и осум месеци затвор за заканувачот Емил Јакимовски

Од:

Емил Јакимовски, поранешен вработен во Централниот регистар, е осуден на една година и осум месеци затвор за загрозување на сигурноста кон неговата поранешна сопруга и за заканите упатени кон новинарката Мери Јордановска.

Пресудата денеска беше изречена во скопскиот Кривичен суд. Обвинителството предложи, а судот прифати тој да остане во притвор до правосилноста на пресудата.

Јакимовски ќе треба да лежи во психијатриската установа во Бардовци, додека лекарите не утврдат дека е во подобра здравствена состојба пред тој да биде вратен во затвор. Вештакот Александар Марцикиќ утврдил дека за Јакимовски е потребно задолжително лекување бидејќи може да го повтори делото, со оглед на тоа што страда од псхичко нарушување.

Јакимовски беше уапсен на 17 јануари, по пријавите за навреди и закани кон новинарките Мери Јордановска и Искра Коровошевска.

Тој беше пријавуван дека се заканувал и на директорката на Централниот регистар Марија Бошковска Јанковски, а закани упатуваше и на градоначалникот на Кавадарци Митко Јанчев.

Речиси сите рочишта од овој судски спор беа затворени за јавноста бидејќи се изнесуваа информации кои се од приватниот домен на животот на обвинетиот и оштетените.

Би можело да ве интересира

Судијката што го ослободи шоферот кој усмрти човек и бебе е истата што не му го одзеде пасошот на Мијалков

Искра Манојлоска

Три и пол години затвор за Владимир Панчевски

А1он

Триесет дена притвор за Владимир Панчевски, експретседателот на Кривичен суд

Мери Јордановска

Ременски бара изземање на Русковска од судењето за „Меѓународен сојуз“: Таа е селективна и ќе ја попречува правдата

Мери Јордановска

Кривичен суд: За кривичното дело убиство во миг, законодавецот, а не судот, предвидел казна во траење од една до пет години

Ана Ололовска

Кривичните судии донирале по 200 евра за борба против Ковид-19, петмина одбиле