Едмонд Адеми, извршен директор на Институтот „Либертас“ и член на извршниот одбор на СДСМ, му порача на Хан дека е несериозно да се дозволи премиерот, Никола Груевски, да остане на чело на Владата за време на транзициониот период.
„Да му дозволиш на Груевски да управува со транзиционата Влада во Македонија е како да му дозволиш на педофил да се грижи за твоите деца“, твитна Адеми со хаштагот на Јоханес Хан.
Маратонските разговори кои траеја 12 часа во Брисел, завршија без успех. Лидерите на политичките партии не постигнаа конечен договор, а Хан на твитер искоментира дека е разочаран од неодговорноста на некои страни.
