Во сообраќајката што попладнево се случи на патот кон Стража едно лице загинало на местото на несреќата, а седуммина повредени се пренесени во болницата во Гостивар, соопшти МВР. Во прекин е сообраќајот во двете насоки.
„Денеска околу 15 часот и 30 минути во СВР Тетово е пријавено дека на магистралниот пат Гостивар-Кичево, во близина на новоселските гробишта, се случила сообраќајна несреќа во која учествувале три моторни возила: џип ’мерцедес’, патничко возило ’бмв’ и камионет. Едно лице од камионетот починало на местото на несреќата, а седум лица, првично, се пренесени во гостиварската Општа болница ’Ферид Мурад’ за укажување лекарска помош“, велат од МВР.
Сообраќајот се уше е во прекин оти јавен обвинител и екипа од ОВР Гостивар вршат увид.
Очевидци за „А1он“ јавија дека околу местото на несреќата веќе се формирани долги колони возила во двата правци.