Законот за ратификација на Договорот со Грција ќе се објави во Службен весник по референдумот, рече собранискиот спикер Талат Џафери. Тој очекува прво граѓаните да се изјаснат.
„Ќе го чекаме референдумот, за да имаме соодветно мислење од граѓаните. Не треба да ги силуваме работите”, рече Џафери на брифинг во Собранието.
Одлуката за референдум веќе е објавена во Службен весник и течат роковите. Кампањата почнува на 10 септември. Сите институции ќе бидат вклучени во кампањата, но носители сепак ќе бидат партиите.
Не може ниту еден политички субјект да се исклучи од кампањата, и тој што ќе се определи да не учествува ќе води кампања.
Пратениците од утре заминуваат на годишен одмор до 20 август. По враќањето од одмор, пратениците ќе треба да ги заврашт заостанатите обврски до 7 септември пред почетокот на кампањата за референдум.
Галена Николовска-Ризвановиќ