Џафери: Мајка Тереза е симболот на бескрајната хуманост, на љубовта кон човекот, на грижата и сочувството кон болните и сиромашните

Од:

Мајка Тереза е симболот на бескрајната хуманост, на љубовта кон човекот, на грижата и сочувството кон болните и сиромашните и не толку среќните во животот, рече претседателот на Собранието, Талат Џафери во обраќањето на манифестацијата „Денови на Св.Мајка Тереза“, што се одржа денеска на плоштадот Македонија по повод 110 – годишнината од нејзиното раѓање.

Свечено беше откриена и обновената спомен – плоча на местото на родната куќа на Гонџа Бојаџиу – Св. Мајка Тереза во центарот на Скопје.

– Пред оваа спомен плоча која ги симболизира темелите на родната куќа на оваа светски почитувана Албанка, сакам да го изразам и споделам чувството на искрена гордост што сум дел од овој собир, посочи Џафери.

Денес, потенцира Џафери, кога светот се соочува со пандемијата на Ковид-19, кога гледаме закана по здравјето на целото човештво, огромен удар врз темелите на секој здравствен и економски систем, сите поеднакво имаме потреба од заемна поддршка.

– Живееме во чудно време со нови и непознати предизвици, меѓутоа зарем ги нема секоја етапа од општествениот развој своите карактеристични тешкотии. Меѓутоа тоа што останува исто пред секоја тешкотија колку и да е таа непозната е подадената хумана рака, солидарноста и жртвувањрто на комоцијата и опуштеноста, затоа што несреќата тропа на секоја врата. Апелирам до сите да бидеме совесни и одговорни, да се грижиме едни за други, да се грижиме за блиските, познатите и непознатите и на овој начин да придонесеме за победата на ова зло кое го има зафатено светот, рече Џафери.

Нагласи дека ова е нашиот предизвик, ова е битката што актуелните генерации треба да ја водат, за да го поразиме современиот непријател толку ситен, а сепак толку голем.

– Како што рекла и големата Мајка Тереза „Одете дома и сакајте го своето семејство“, затоа што се почнува од семејство, додаде Џафери.

Во рамки на манифестацијата беше промовирана и книгата „Од Гонџа Бојаџиу до Мајка Тереза – Сага за животот на Албанците католици од Скопје“.

Директорот на Институтот за духовно и културно наследство на Албанците, Скендер Асани рече дека во книгата е претставен животот на Мајка Тереза во нејзиното Скопје до Калкута. Оваа книга, посочи, е една сага за католичките семејства во Скопје.

– Наскоро ќе упатиме предлог и елаборат до Собранието со цел да ја прогласиме Мајка Тереза за национално богатство, така што таа да стане и лична карта на нашата земја секогаш со надеж дека избраните претставници на народот ќе го поддржат овој предлог, потенцира Асани.

Би можело да ве интересира

Пожар во бараката на Управата на Клиничкиот центар во Скопје

Индија забрани организацијата Мајка Тереза да се ​​финансира од странство

Османи во Ватикан по повод одбележување пет години канонизација на Мајка Тереза

А1он

Почнува културната манифестација „Светлото на Гонџе“

Ана Ололовска

Со свечена академија завршуваат 21. „Денови на Св. Мајка Тереза“

Ана Ололовска

„Денови на Св. Мајка Тереза“ по повод 110 години од нејзиното раѓање

Ана Ололовска