Џафери ја напушти Инфективна, тој ќе ја води конститутивната седница

Од:

Претседателот на Собранието во заминување Талат Џафери утре ќе претседава со конститутивната седница на Собранието, потврдија од неговиот кабинет.

-Претседателот Џафери излезе од болница и е во многу добра состојба и утре тој ќе ја води седницата, информираат од неговиот кабинет.

Претходно денеска тој изјави дека се чувствува добро и дека веќе е извесно дека ќе претседава со конститутивната седница утре. Тој денеска ја напушти Инфективна клиника каде беше сместен од 24 јули, а неколкуте последователни тестови на ковид биле негативни.

-Се чувствувам добро и мислам дека веќе е извесно дека јас ќе претседавам со конститутивната седница утре, изјави Џафери.

Собраниските служби, пак, се подготвуваат согласно мерките за заштита од коронавирусот за одржување на конститутивната седница во големата сала со купола каде што ќе биде обезбедено соодветно растојание меѓу пратениците, собраниските службеници и други лица кои треба да се присутни. Гласовите на оваа седница ќе се бројат рачно, а веројатно и на тие потоа, имајќи предвид дека во неа нема инсталирано систем за гласање.

На денот на одржување на Конститутивната седница ќе се мери температура на секој што ќе дојде во собраниската зграда, пратениците и другите поканети гости ќе бидат прифаќани од протоколот и спроведувани точно до местото каде што ќе треба да седат.

Кризата со коронавирусот предизвика промени и во работата на новинарите и медиумите. Како што се најавува, имајќи ја предвид актуелната состојба со коронавирусот, најверојатно бројот на медиумските работници во Собранието ќе биде ограничен, а нивните активности ќе се следат во живо преку Собраниските канал и со стримови во живо. Конститутивната седница ќе се следи преку Собранискиот канал, а прес-конференции ќе бидат организирани во Кристалната сала каде што би имало доволено простор за одржување дистанца.

Би можело да ве интересира

Честика од Џафери за Денот на албанската азбука: Дарот е голем, меѓутоа аманетот да се чува тој дар е уште поголем

Џафери: Институциите, медиумите и просветните работници да покажат како се чува албанскиот јазик

Катерина Павлова-Николовска

Усвоена одлуката за бројот на потпретседатели на Собранието – Џафери предлага да има пет

А1он

Средба Џафери – Пахор: Ќе продолжи словенечката поддршка на патот кон полноправно членство во ЕУ

Жарко Настоски

Жбогар на проштална средба со Џафери во Собранието

Жарко Настоски

Со кавга за доцнењето почна и продолжението на седницата за избор на влада во Собранието

Предраг Петровиќ