Џафери: Институциите, медиумите и просветните работници да покажат како се чува албанскиот јазик

Од:

Секој временски период ги бие своите битки и ги слави големите или малите борби кои се само камче во зацврстувањето на темелот на чувањето, развојот и ажурирањето на јазикот кој е жива материја и кој може и да потпадне под влијание на интернационализмите и незапирливиот и сеопфатен напредок на технологијата. Затоа, треба да бидеме будни, секој во својот домен на делување. Тука, пред сѐ мислам на себе и на другите претставници на политичкиот дијапазон кои актуелно се или во иднина ќе бидат дел од законодавната власт, а тоа значи можност да ја менуваме, дополнуваме и подобруваме законската основа за чување на стандардниот јазик, порача денеска претседателот на Собранието, Талат Џафери во поздравното обраќање на Научната академија по повод научно-културната манифестација „Деновите на Азбуката – II“.

Џафери ги повика институциите, медиумите, административните и просветните работници, со свој пример да придонесат за раст на новите генерации кои ќе го сакаат, чуваат, почитуваат и говорат албанскиот јазик.

Џафери во обраќањето се осврна на историјата и креирањето на азбуката.

-Азбуката со која се роди и го почна своето патешествие националната борба за културно осамостојување на светско рамниште, беше силна поддршка за националниот идентитет и за политичката независност на Албанскиот народ. Тоа патешествие помина низ многу предизвици, тешкотии, оспорувања и потценувања, меѓутоа, не го сопре одѕвонувањето на срцепарателните песни на Неџмије Пагаруша, Ханифе Сејфула Речани и на многу други истакнати албански солисти. Не ги спречи ниту истакнатите научници албанолози и писатели, ниту го сопре перото на светски познатите албанските писатели, почитуваните Исмаил Кадаре, Луан Старова и други. Напротив, беше јазикот на автентичното преведување на нивните величествени дела со кои се зголеми и се рашири албанската книжевна вредност. И, не само книжевната. Вредностите и доблестите, хуманоста и солидарноста, емпатијата и разбирањето не беа непознати ниту за Светата Мајка Тереза, ќерката на нашиот свет и мајка на целиот свет, како што прекрасно ја опишале од Институтот за духовно и културно наследство на Албанците и што не прави горди на светско ниво, истакна Џафери.

Би можело да ве интересира

Митрески: ВМРО-ДПМНЕ се однесува нехумано, ја злоупотребува колективната тага за ситни политички поени

А1он

По напуштањето на собраниската сала од опозициските пратеници, Џафери ја прекина седницата

А1он

ВМРО-ДПМНЕ: На ДУИ и Талат Џафери помил им е Венко Филипче, отколку животите на граѓаните на Тетово

А1он

Спикерот Џафери на својот австриски колега Соботка му врачи благодарница за помошта на австриските пожарникари

А1он

Џафери: Историјата сведочи дека има една константа – ниту доброто, ниту лошото не бира по нација, вера, пол и политичка припадност

Мери Јордановска

ВМРО-ДПМНЕ ќе му поднесе кривична на Талат Џафери поради албанскиот јазик во ЕП

Жарко Настоски