Џафери: Барањето на ВМРО-ДПМНЕ за Протоколот за НАТО треба да се прати до Владата

Од:

Владата, а не Собранието е надлежна за постапување по иницијативата на пратеничката група на ВМРО-ДПМНЕ и коалицијата, за ратификацијата на Протоколот за членство во НАТО, изјави попладнево претседателот на Парламентот Талат Џафери.

Тој потврди дека денеска група пртеници од ВМРО-ДПМНЕ и коалицијата до него доставиле барање за иницирање, односно за препраќање до Владата на иницијатива за доставување Предлог-закон за ратификација на договорот за НАТО.

– Од формален аспект еден документ што влегува во Собранието во соодветна процедура моја обврска е да го разгледам актот соодветно и по однос на надлежностите да постапувам. Имајќи предвид дека Собранието врз основа на членовите на Деловникот на кои се повикуваат пратениците ги нема тие надлежности, сметам дека е соодветно истиот акт, како и при сите други случаи за кои Собранието не е надлежно да постапува, да се препрати до надлежниот орган на кој што се однесува проблематиката, во конкретниов случај до Владата на Република Северна Македонија, изјави Џафери.

Посочи дека поднесеното барање треба да биде препратено до Владата како надлежен орган за таа проблематика.

– Според цитираните членови и од Уставот и од Деловникот, се однесуваат на надлежности на Владата која што и според Уставот е надлежна да иницира и да поднесува Предлог-закон за ратификација на меѓународни договори или кој било закон што се ратификува. И во тој контекст и според Деловникот надлежноста на поднесување предлог-закон за ратификација на меѓународен акт е во надлежност на Владата и никој друг не може тоа да го покрене. Барањето на пратениците како такво ќе биде препратено до Владата и тие ќе решаваат по кој пат и каков начин ќе постапуваат по однос на тоа барање, рече претседателот на законодавниот дом Талат Џафери.

Би можело да ве интересира

На порталот „Република“ по грешка објавена инструкција како да се напише текст против Заев

Ландов

(ВИДЕО) Мисајловски: Во Кучевишка Бара и Бел Камен ќе изградиме целосна подземна инфраструктура и нов асфалт

Ана Ололовска

(ВИДЕО) Каевски: УМС е во истата криминална матрица на ВМРО-ДПМНЕ, сериозни индиции дека злоупотребиле европски пари

Ана Ололовска

СДСМ: Ние се боревме за Закон за ЈО и продолжување на предметите на СЈО, ВМРО-ДПМНЕ се бореа за спас на Камчев и Груевски

Ана Ололовска

(ВИДЕО) Славески: Ќе ја намалиме невработеноста под 10%, имаме нов развоен модел за Обнова на Македонија

Ана Ололовска

ВИДЕО: Николовски тврди дека семејството Заеви се јавува како странски инвеститор во најмалку две европски држави

Ана Ололовска