Две лица се приведени во врска со инцидентот што се случи денеска околу 16 часот на плоштадот во Куманово, кога македонското државно знаме било спуштено на подолната зона на јарболот, а на горната зона било поставено албанското знаме.
Според информациите од полицијата, едниот од приведените е малолетник од Слупчане, роден 2000 година, а вториот е Љ.К роден 1996 година, исто така, од Слупчане.
Од полицијата информираат дека работат на целосно расчистување на случајот.
Албанското знаме е симнато од јарболот, a во моментов државното македонско знаме е на половина јарбол и е прикачено делумно за рефлекторите кои се поставени на него.
Мотивите за овој инцидент не се познати, а детали од полицијата најавуваат за утре.