Два автомобили марка „БМВ“ ноќеска по полноќ се судрија во центарот на Охрид, во близина на пазарот.
Возачите имаат лесни телесни повреди, а едниот е задржан и на дополнителни прегледи во охридската Општа болница. Другиот возач, кој исто така беше префрлен со Итна помош на прегледи е пуштен на домашно лекување.
Возилата се со скопски и струмички таблици, управувани од 25 годишен скопјанец и 32-годишен струмичанец. Тие се судрија доцна синоќа, два часа по полноќ. Сообраќајката се случи веднаш по вртење на кружениот тек во близина на охридскиот пазар. Возилата се судрија странично, а едното е со целосно искршени врата и прозор.
Полицијата направи увид, причините за несреќата се утврдуваат.
