Двајцата сопружници заболени од коронавирусот се во стабилна состојба

Од:

Состојбата на двајцата сопружници заболени од коронавирусот кои се хоспитализирани на Клиниката за инфективни болести и фебрилни состојби е стабилна, информираат од Министерството за здравство.

Стабилна е и првата заболена пациентка, чиј последен контролен тест беше негативен, но во текот на утрешниот ден ќе биде направен уште еден тест за да се потврди резулатот, односно да се потврди дека таа повеќе не е инфективна.

– Во вторник истекува перидот на изолација на сите сопатници кои на 26 февруари пристигнаа со првата заболена пациентка. Тоа е практично 14-тиот ден на кој ќе биде направена темелна евалуација од страна на епидемиолозите, а по што ќе биде прекината или продолжена изолацијата соодветно на секој поединечен случај, велат од Министерството.

Во текот на вчерашниот ден, ДЗСИ ги поделило решенијата на сите патници и блиските контакти на заболените кои на 27 февруари пристигнале во земјата. Решенијата подразбираат здравствен надзор и контрола на домашната изолација во соработка со полиција, а за непостапување по решението следуваат правни санкции.

Согласно новата состојба и мерките кои ги презеде италијанската Влада во текот на утрешниот ден по состанокот со Комисијата за заразни болести и формираниот комитет за следење и информирање за состојбите со коронавирусот, а во консултација со сите релевантни институции, Министерството за здравство ќе  информира за евентуални нови мерки за превенција и заштита од понатамошно ширење на вирусот.

Би можело да ве интересира

Зголемени температури во следните неколку дена – да се почитуваат општите препораки за заштита на здравјето

Болницата „Козле“ е без вода, децата ќе одат по други клиники

Катерина Ѓуровски

Граѓаните му пишуваат на министерот за здравство, најмногу за доцнење резултати

Здравствениот систем е целосно мобилизиран и подготвен за навремен одговор на евентуалните последици

ЗНМ: Апелите од Министерството за здравство се на граница на цензура

Медиумите да не ги снимаат и да не земаат изјави од повредените во Кочани, бара Министерството за здравство