Двајца возачи загинале во сообраќајка што вчера вечер се случила на магистралниот пат Битола-Ресен, кај превој „Ѓавато“, во близина на мостот над село Кажани.
Како што информираат од МВР, вчера во 22:40 часот било пријавено дека се случила сообраќајна незгода помеѓу влечно возило „даф“ со приклучно возило „череау“, со ресенски регистарски ознаки, управувано од З.С.(59) од Ресен и патничко возило „опел мерива“, со охридски регистарски ознаки, управувано од В.С.(53) од Охрид.
-Од здобиените повреди на местото на незгодата починале двајцата возачи, соопшти МВР.
Смрт констатирал лекар, а увид извршиле увидна екипа од СВР Битола и јавен обвинител, по чија наредба телата на починатите се дадени за обдукција.
