Две лица загинаа во тешката сообраќајна несреќа во близина на каменоломот на магистралниот пат Гостивар – Кичево.
Од МВР го потврдија случајот.
„ Денеска во 7 часот и 10 минути е пријавено дека на магистралниот пат Гостивар-Кичево, во непосредна близина на отворените сепарации (каменоломи) се случила сообраќајна несреќа во која учествувале две патнички моторни возила: „ауди“ со странски регистарски ознаки управувано од 42-годишниот Е.З. од Кичево и „шкода“ со скопски ознаки што ја управувал Ш.Н.(48) од тетовско Камењане.“ велат од МВР.
Во несреќата, од здобиените повреди, двајцата возачи починале на местото, а смрт констатирале лекари од гостиварската Итна помош.
Поради сообраќајката беше затворен и сообраќајот утринава на овој патен правец. Јавен обвинител и екипа од гостиварското Одделение за внатрешни работи извршиле увид на местото, по што сообраќајот е нормализиран.