Две починати лица биле извлечени вчера од возило што било излетано од локалниот пат Катланово-Бадар, во близина на мостот на река Пчиња.
Како што информираат од МВР, вчера околу 12.00 часот било пријавено дека возилото било забележано на посочената локација, а по пријавата, интервенирала екипа на Бригадата за противпожарна заштита Скопје.
Таа извадила патничко возило „Фиат Мултипла“ со скопски регистарски ознаки, а во него имало две починати лица. Се работи за лицата З.Н. (39) од Скопје и С.П. (22) од Скопје. Смрт констатирал лекар од итна медицинска помош. По наредба на Јавен обвинител, телата на починатите биле предадени за обдукција.