Вчера вечер околу 23.20 часот во СВР Штип било пријавено дека на улицата „Брегалничка“ се случила сообраќајна несреќа помеѓу патничко возило „југо“, управувано од 68-годишниот Г.П. од Штип и патничко возило „опел астра“, управувано од 19-годишниот Д.Ш. од Штип, двете со штипски регистарски ознаки, извести МВР.
– На местото на несреќата, од здобиените повреди починале возачот на возилото „југо“ и неговата сопатничка 62-годишната Ј.П. од Штип, додека возачот на возилото „опел астра“ се здобил со телесни повреди, констатирани во Клиничката болница Штип, соопшти МВР.
Смрт констатирал лекар од Итната медицинска помош Штип, а увид извршиле Јавен обвинител и увидна екипа од СВР Штип.