Петнаесетгодишно момче од тетовското село Боговиње било донесено во Клиничкиот центар во Тетово со прострелна рана во пределот на стомакот, информира МВР.
Случајот бил пријавен на 24 октомври во 14:10 часот. Подоцна во Полициската станица Тетово се самопријавиле 42-годишен жител на Боговиње и неговиот 16-годишен син, кои предале пиштол со една празна рамка.
Според изјавата на таткото, настанот се случил околу 13:45 часот во Боговиње, кога од невнимание испукал еден куршум од пиштолот што го носел неговиот малолетен син.
Увидот бил извршен во присуство на јавен обвинител од Основното јавно обвинителство Тетово и претставници на Центарот за социјални работи Тетово.
Шеснаесетгодишникот бил задржан за понатамошна постапка. Полицијата презема мерки за целосно расчистување на случајот, по што ќе следува соодветна пријава.