Во фарма во светиниколското село Амзабегово две лица се затруле од хемиска материја, по што едното лице веднаш починало, а второто било пренесено во комплексот клиники „Мајка Тереза“ во Скопје.
-Настанот во СВР-Штип е пријавен во 11.01 часот, а се случил околу 10.30 часот. На лице место починал работникот О.Т. роден 1978 година, а второто лице, односно работник С.Ј. роден 1971 година е пренесен во комплексот клиники „Мајка Тереза“ во Скопје, велат од полицијата.
Телото на починатиот работник е предадено за обдукција.
Увид на местото извршиле увидна екипа од ОВР-Свети Николе, јавен обвинител, како и трудов и санитарен инспектор.