Вчера околу пладне во центарот на Прилеп се случила сообраќајна незгода меѓу два автомобили, по која возачот и сопатникот од едното возило нападнале 33-годишен турски државјанин, соопшти МВР.
„На 02.05.2021 во 18.00 часот во Полициската станица Прилеп, Ш.Ч.(33) од Република Турција, со привремен престој во с.Канатларци, прилепско, пријавил дека околу 12,30 часот на ул.„Прилепски бранители“, по претходно случена сообраќајна незгода, бил физички нападнат од две лица,“ се вели во полициското соопштение.
Од МВР додаваат дека се преземаат мерки за расчистување на случајот.