Педесет и една садници од растението „канабис сатива“ пронајдени се и одземени при акција на СВР Охрид во авто-кампот „Андон Дуков“ во Охрид на 1-ви јуни оваа година.
Како што информираат од СВР Охрид, во викенд куќа во кампот, затекнати се и приведени охриѓаните А.Н.(27) и М.П. (19).
При извршен претрес, на терасата од куќата каде А.Н. со пластично шише се обидувал да ги навади садниците. Притоа пронајдени се 31 импровизирани саксии со вкупно 38 растенија додека, четири саксии со 13 растенија дополнително се пронајдени во близина на терасата.
Против А.Н. и М.П. СВР Охрид поднесе кривична пријава за постоење основи на сомнение дека сториле казнено дело „неовластено производство и пуштање во промет на опојни дроги, психотропни сустанци и прекурсори“.
