Два нови случаи на туларемија се потврдени во Институтот за јавно здравје на Република Македонија. Ова денеска го истакна министерот за здравство Никола Тодоров.
Со двајцата новозаболени од туларемија вкупниот број заболени во државата од јануари досега изнесува 25.
– Има сериозен тренд на намалување бидејќи од 18 сомнителни лица само два се потврдија, а кај останатите 16 резултатот беше негативен. Што значи дека треднот е сериозно намалувачки, рече Тодоров, одговарајќи на новинарско прашање по пуштањето во употреба на апарати за генотипизација на ХИВ вирус на Клиниката за инфективни болести.