ДУИ: Државниот пазарен инспекторат го укина албанскиот јазик, Албанците ќе реагираат жестоко

Од:

Денеска откриваме уште еден неприфатлив чин од страна на државна институција – Државниот пазарен инспекторат го укина албанскиот јазик од службена употреба, реагираат од ДУИ.

Во неговите нови документи, албанскиот јазик е целосно избришан, со што се прекршуваат сите законски и уставни норми што гарантираат употреба на двата службени јазици.

Овој чин не е техничка грешка – тоа е намерен акт и флагрантно кршење на јазичната еднаквост.

Ова не е прв, а за жал, нема да биде ни последен случај.

Станува збор за систематски обид за деградирање на политичко-правниот статус на Албанците, постигнат со Охридскиот договор.

Тие што молчат пред оваа неправда се подеднакво виновни како и тие што ја спроведуваат оваа дискриминаторска политика.

Ние нема да молчиме!

Албанците ќе реагираат жестоко за еднаквост, правда и заштита на институционалното достоинство!

Вреди се претворија во инструмент за газење на вредностите на еднаквоста и правдата.

Народот и историјата ќе им го дадат заслужениот суд.

Овој режим има објавено отворен напад против статусот на Албанците и се обидува со сите сили да направи ревизија на Охридскиот договор.

Никаков обид да не направат граѓани од втор ред нема да помине!

Еднаквоста не е предмет на преговарање – тоа е неотуѓиво право што ќе се заштити, велат од ДУИ.

Би можело да ве интересира

ЛДП со поддршка за измените на Изборниот законик и заштита на правото на кандидирање на независни листи

Павле Трајанов: Ќе го доставиме предлог законот за една изборна единица до парламентот

Левица: „Белата палата” со притисоци за создавање на партиски синдикати во претпријатијата

Притисоци, закани, полиција..Какво општество и луѓе можат да одземаат четиригодишно дете од мајка?

Предраг Петровиќ

ДУИ: Злото што ја попречува иднината на Чаир ќе биде отстрането

Работиме напорно за да се деблокира македонскиот пат кон ЕУ, вели Рокас