ДУИ обвинува за полициско насилство врз двајца млади, МВР истражува

Од:

ДУИ бара оставка од заменик-министерот за внатрешни работи Астрит Исени и целосно расветлување на случајот со двајца млади на возраст од 21 и 23 години, кои тврдат дека биле физички малтретирани од полициски службеници.

Според нивните изјави, полицајците пукале со огнено оружје, им ги дупнале гумите на автомобилот, го скршиле стаклото, а потоа ги врзале и ги легнале на земја, каде што ги малтретирале. Во интерниот полициски извештај, пак, се наведува дека младите му го одзеле пиштолот на полициски службеник.

ДУИ бара итна, непристрасна и транспарентна истрага, како и одговорност доколку се утврдат прекршувања од страна на полициските службеници.

Од Министерството за внатрешни работи информираа дека министерот наложил Одделот за внатрешна контрола, криминалистички истраги и професионални стандарди да го испита случајот, по медиумските објави за наводното полициско насилство врз двете лица на 7 октомври во Скопје.

Одделот презема мерки за утврдување на фактичката состојба и околностите на настанот, како и за утврдување евентуална одговорност на инволвираните полициски службеници. Од МВР најавија дека по завршувањето на постапката ќе бидат преземени соодветни мерки согласно законските прописи, а јавноста ќе биде навремено известена.

Би можело да ве интересира

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он