ДУИ: Неопходна е ревизија на процесот на приватизацијата

Од:

Сè појасни се сигналите од Европската Унија дека деолигархизацијата е неопходен чекор за демократизација и напредок на нашата држава. Затоа, повторно прашуваме: кои олигарси ги штити оваа влада? Чии интереси стојат зад нејзиниот упорен молк? Јасно е дека олигарсите кои ја заробија државата објавија војна на еднаквоста и на принципите на еднакви можности за сите граѓани, велат од Демократска унија за интеграција.

„Токму тие се виновни за продлабочувањето на економската и социјалната неправда, како и за создавањето на систем кој им служи само ним, на сметка на иднината на сите останати. Како што постојано истакнуваме, ревизијата на процесот на приватизација е неопходна. Тоа не е само барање, туку обврска кон граѓаните кои со години се жртви на неправедните и корумпирани практики што ја доведоа нашата економија во оваа состојба. Ги повикуваме институциите веднаш да преземат чекори за деолигархизација, а Владата да престане да биде заробена од спонзорствата на овие олигарси. Наместо да ги штити нивните привилегии, Владата мора да покаже одговорност и да го усвои Законот за рестриктивни мерки како прв чекор кон враќање на владеењето на правото и економската праведност. Деолигархизацијата не е избор, туку услов за напредок на нашата земја кон вистинска демократија и интеграција во Европската Унија. Време е Владата да ги стави интересите на граѓаните пред личните и интересите на олигарсите“, тврдат од партијата.

Би можело да ве интересира

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

ВЛЕН до ДУИ: Јавноста заслужува одговори за вашите финансиски врски со Србија

ДУИ предупредува: Забраната за полагање правосуден испит на албански е спротивна на Законот

Андоновска: Законите во ИЈЗ ќе продолжат доследно да се почитуваат и да важат подеднакво за сите

А1он

Хоџа: Непочитувањето на Законот за употреба на јазиците прераснува во загрижувачки тренд во државните институции

Горан Наумовски

ДУИ: За првпат од 1995 година нема примен ниту еден албански кадет во Воената академија