Функционери на ДУИ за порталот „ПорталБ“ изјавиле дека доколку не ја добијат функцијата јавен обвинител , партијата ќе го блокира изборот на обвинители и судии преку Бадинтеровиот механизам.
Од партијата на Али Ахмети, според порталот, за замена на Љупчо Шврговски го спремаат обвинителот Шпенд Деваја, сопругот на вицепремиерката Теута Арифи. За Деваја и претходно се шпекулираше дека треба да биде судијата на Врховниот суд.
Понуда добила и Сузана Салиу, потпретседател на Парламентот, но не прифатила да биде Народен правобранител, на местото на Иџет Мемети.
Речиси е сигурно дека сегашниот министер за правда, Блерим Беџети, доколку сценариото се реализира да биде кандидат на ДУИ на локалните избори во 2013 година за Општина Сарај.