Демократската унија за интеграција (ДУИ) во соопштение до медиумите ги демантира информациите дека во седиштето во Мала Речица имало пресметка или инцидент.
– Демократската унија за интеграција и денес, како и секој друг ден, продолжува со своите вообичаени активности. Ја демантираме секоја информација во врска со тоа дека денес во ДУИ имало пресметка или инцидент. Ние како политички субјект немаме и не може да имаме одговорност за инцидентите кои немаат врска со Демократската унија за интеграција и за Демократската унија за интеграција, се вели во соопштението на ДУИ.
Дел од медиумите известија дека вооружениот инцидент кој се случи попладнево во Мала Речица бил помеѓу членови на владејачката ДУИ.