Со извикување „Русија, Русија“ присутните на панел дискусијата „Република Македонија во стратешки сојуз со Русија и членство во Евроазиската економска унија“ во организација на Единствена Македонија на Јанко Бачев го пречекаа рускиот филозоф и ултранационалист Александар Дугин.
Тој во изјава за медиумите рече дека не дошле да им даваат политички совети на учесниците на настанот туку да потврдат дека Русија е за зачувување на суверенитетот на секоја држава.
– Македонскиот народ сам треба да одлучи за членство во ЕУ и НАТО, рече Дугин.
Тој не одговори конкретно на прашањето како го оценува Договорот за добрососедство со Бугарија и процесот за решавање на името со Грција.
– Важно е сите словенски народи да се обединат, рече Дугин.
На панел дискусија освен Дугин говорници се и Леонид Савин и претседателот и заменик претседателот на Единствена Македонија, Јанко Бачев и Стефан Влахов Мицов.
В.М.