Демократскиот сојуз (ДС) денеска повторно ги повикува членовите и симпатизерите, како и сите граѓани, в недела на 27 април, масовно да излезат и да гласаат за Ѓорге Иванов, кандидатот за претседател, како и за кандидатите за пратеници на „Коалицијата за Подобра Македонија“, предводена од ВМРО-ДПМНЕ.
Потсетува дека носители на листите под редниот број пет на избирачкото ливче се: во ИЕ 1 Никола Груевски, во ИЕ 2 Гордана Јанкуловска, во ИЕ 3 Никола Тодоров, во ИЕ 4 Зоран Ставревски, во ИЕ 5 Антонио Милошевски и во ИЕ 6 Никола Поповски.
– Со изборот на Ѓорге Иванов за претседател и обезбедување на стабилно парламентарно мнозинство (од најмалку 62 пратеници), ќе продолжат реформите, со што ќе се создадат услови за отварање на нови работни места за подобра иднина на сите граѓани, посебно на младите генерации, владеење на правото, борба против огранизираниот криминал и корупцијата, како и полноправно членство во НАТО и ЕУ, како наш врвен национален и државен приоритет, се вели во соопштението на ДС.
Демократскиот сојуз апелира до политичките партии и граѓаните, да направат се што е во нивна моќ, изборите да поминат во мирна и демократска атмосфера.