Младата жена која била застрелана на наплатната рампа синоќа била примена на Итната помош во болницата во Врање.
Од тој здравствен дом е одлучено дека лекарите ќе се борат за нејзиниот живот, но дека дијагнозата е во тек и дека е рано да се даваат какви било прогнози.
„Новости“ пишува дека станува збор за помлада жена од територијата на Србија, а во неа пукал постар маж со државјанство на Македонија.
Вознемирувачкиот инцидент се случи доцна синоќа кога, според првичните информации на српските медиуми, македонскиот државјанин прво и нанел прострелни рани на жената, за која се верува дека е неговата сопруга, пред да го сврти оружјето кон себе.
Тој им подлегнал на повредите на местото на настанот, а очевидците говорат дека пукањето следело по жестока расправија меѓу сопружниците.
Според се уште непотврдени информации, мажот и жената кои биле во автомобилот се скарале, таа излегла од автомобилот и тој испукал два куршуми кон неа, а потоа се самоубил.